Երեխաներու առողջ ապրելակերպի խթանման, ինչպէս նաեւ բակային աշխոյժ հանգիստի ապահովման ու պատանի երեւանցիներու մարզական յաջողութիւններուն նպաստելու նպատակով վարչական շրջաններուն մէջ սահմանուած ժամանակացոյցով կ’ընթանան մինի ֆութպոլի նոր խաղադաշտերու կառուցման աշխատանքները: Ծրագիրը կ’իրականացուի Երեւանի քաղաքապետարանի 2014 թուականի շինբարեկարգման ծրագիրներու ծիրէն ներս:

Այս տարուան ծրագիրով մայրաքաղաքին մէջ պիտի կառուցուի մինի ֆութպոլի 15 խաղադաշտ: Ատոնցմէ 10-ին մէջ շինարարական աշխատանքները արդէն մեկնարկած են:
Միւս վայրերուն մէջ առայժմ նախապատրաստական աշխատանքներ կը տարուին: Շինաշխատանքները կ’իրականացուին համապատասխան մրցոյթի մէջ յաղթող ճանաչուած կազմակերպութեան կողմէ:
Յառաջիկային պիտի մեկնարկեն նաեւ նախորդ տարիներուն կառուցուած թիւով 59 մինի ֆութպոլի խաղադաշտերու վերանորոգման աշխատանքները:

Երեւանի քաղաքապետարանի տեղեկատուութեան
եւ հասարակայնութեան հետ կապերու վարչութիւն