Պուխարեստի մէջ մայիս 30-էն յունիս 8 կայանալիք բռնցքամարտի կանանց Եւրոպայի առաջնութեան Հայաստանը պիտի ներկայացնէ 2 մարզուհի: 49 քկ քաշային կարգին մէջ մեր երկիրը պիտի ներկայացնէ Քրիստինէ Սարգսեանը, իսկ 60 քկ քաշային կարգին մէջ հանդէս պիտի գայ Աշխէն Յովհաննիսեանը: Ինչպէս «Արմէնփրէս»-ին կը տեղեկացնեն Հայաստանի բռնցքամարտի հաւաքականի մամլոյ ծառայութենէն, յունիսը յագեցած կ’ըլլայ նաեւ տղամարդոց հաւաքականի համար: Յունիս 2-էն 8 մեր բռնցքամարտիկները պիտի մասնակցին Չեխիոյ մէջ կայանալիք միջազգային մրցաշարին:

Այստեղ Հայաստանը պիտի ներկայացնեն 56 քկ քաշային Հենրիկ Մոքոյեանը, 60 քկ քաշային Արամ Աւագեանը, 64 քկ քաշային Գոռ Երիցեանը, 69 քկ քաշային Արման Դարչինեանը եւ 75 քկ քաշային Արման Յովհիկեանը:

Աւելի ուշ` յունիս 8-14, մեր բռնցքամարտիկները պիտի մասնակցին արդէն Մինսկի մէջ կայանալիք միջազգային մրցաշարին: Այստեղ հրապարակ դուրս պիտի գան 64 քկ քաշային Արա Պուլուզեանը , 69 քկ քաշային Վլատիմիր Մարգարեանը, 81 քկ քաշային Տիգրան Արմէնակեանը եւ 91 քկ քաշային Ռաֆայէլ Սիմոնեանը: Մինսկի միջազգային մրցաշարին Հայաստանը ներկայցուցիչ կ’ունենայ 52 քկ քաշային կարգին մէջ: Մարզիկի անունը, սակայն, դեռեւս յայտնի չէ:

armenpress.am