Սուրիոյ հայաշատ Հալէպ քաղաքի «Համիտիէ» շրջանին մէջ արկի պայթիւնի հետեւանքով զոհուած է 1928թ.-ի ծնեալ Աւետիս Քեպապճեանը:

Այդ մասին կը տեղեկացնէ Հալէպի «Գանձասար շաբաթաթերթի ֆէյսպուքեան էջը»:

Հանգուցեալի յուղարկաւորութիւնը տեղի պիտի ունենայ այսօր` տեղական ժամանակով ժամը 11:00-ին` Հալէպի Սուրբ Աստուածածին եկեղեցւոյ մէջ:

Յիշեցնենք, որ օրեր առաջ Հալէպի հայաբնակ Նոր գիւղ թաղամասին մէջ դարձեալ պայթումներ  տեղի ունեցած էին, որու հետեւանքով զոհուած էր 2, վիրաւորուած` 4 հայ:

Պատերազմի ընթացքին Սուրիոյ մէջ ըստ տարբեր աղբիւրներու զոհուած է 130-160 հազար մարդ: Անցնող երեք տարիներուն ընթացքին զոհուած հայերու թիւը անցած է հարիւրը:

tert.am