Ապրիլ 27-ին Ախալցխայի շրջանի հայկական Սուխլիս գիւղին մէջ իրականացուեցաւ բարեգործական ձեռնարկ: Ձեռնարկը սկսաւ Հայոց Մեծ Եղեռնի զոհերու յիշատակին նուիրուած յարգանքի տուրքով:

Համերգային ծրագիրին ներկայ էին Ախալցխայի շրջանի Գամգեբելիի տեղակալ` Աշոտ Մանասեան, Սուխլիս գիւղի գիւղապետ եւ ԱՀԵԿԿ-ի ներկայացուցիչները:

Ձեռնարկին հնչեցին հայկական հայրենասիրական եւ վրաց ժողովրդական երգեր: Պարեցին հայկական եւ վրացական պարեր: Ձեռնարկին մասնակիցները երգեցին նաեւ էստրադային երգեր:

Համերգային ծրագիրին կը մասնակցէին նաեւ Ախալցխայի Հայկական Երիտասարդական Կրթամշակութային Կեդրոնի երիտասարդները, որոնք եւս հանդէս եկան պարով ու  երգով:

Համերգային ծրագիրը կազմակերպուած էր երաժիշտ ու բարեգործ Մանուէլ Խաչատրեանի եւ Սուխլիս գիւղի մշակոյթի տան ղեկավար, ԱՀԵԿԿ-ի «Գոհանամք» համոյթի գեղարուեստական ղեկավար ու պարուսոյց` Տիրուհի Համբարձումեանի նախաձեռնութեամբ:

Կազմակերպիչները խոստացան, որ Ախալցխայի Հայկական Երիտասարդական Կրթամշակութային Կեդրոնի առաջարկով տուեալ ծրագիրը պիտի կրէ շարունակական բնոյթ եւ բարեգործական համերգներ պիտի կազմակերպուին Ախալցխայի շրջանի բոլոր հայկական գիւղերուն մէջ:

akhaltskha.net