Թուրքիոյ կառավարութեան մէջ ստեղծուած է յատուկ կոմիտէ, որ պիտի  զբաղի Հայոց ցեղասպանութեան 100-ամեայ տարելիցին առիթով հայկական կողմի իրագործելիք ձեռնարկներու դէմ գործողութիւններով: Այս մասին, կը հաղորդէ «Արմէնփրէս»-ը, վկայակոչելով թրքական «Հուրիէթ» թերթը:

Թուրքիոյ կառավարութեան մէջ ստեղծուած կոմիտէն գրութիւն  ուղարկած է բոլոր նախարարութիւններուն, պահանջած է, որպէսզի վերջիններս գործողութիւններու ծրագիր կամ առաջարկութիւններ ներկայացնեն ցեղասպանութեան իրողութեան մասին հայկական պնդումներուն դէմ:

«Կոմիտէի ստեղծումը նախաձեռնած են Թուրքիոյ եւրոընդելուզման հարցերու, արտաքին գործոց նախարարութիւնները եւ թրքական կառավարութեան խորհրդականները: Այդ ձեռնարկման նպատակը հայկական կողմի իրականացնելիք գործողութիւններու կամ ատոնց ազդեցութիւններու չէզոքացումն է»,- գրած է թերթը:

armenpress.am