Մայիս 19-ին, ժամը` 11:30-ին, Թիֆլիսի մէջ, Սուրբ Գէորգ հայկական եկեղեցւոյ յարակից տարածքին մէջ (հասցէ` Վախթանգ Գորգասալիի, թիւ 1) «Վիրահայերու միութիւն» կազմակերպութիւնը պիտի իրականացնէ Սայաթ-Նովային նուիրուած աւանդական «Վարդատօն»-ը:

Ինչպէս «Հայերն այսօր»-ին կը  յայտնեն կազմակերպիչները, ձեռնակը պիտի իրականացուի Թիֆլիսի քաղաքապետարանի հովանաւորութեամբ եւ Վրաստանի մէջ ՀՀ դեսպանութեան, Թիֆլիսի Պետրոս Ադամեանի անուան պետական հայկական դրամատիկական թատրոնի եւ Վիրահայոց թեմի «Հայարտուն» կրթամշակութային կեդրոնի աջակցութեամբ:

Համերգային ծրագիրին պիտի մասնակցին Երեւանի երիտասարդական կեդրոնը, «Էլ-մար» արուեստանոցի  դերասանները, Թիֆլիսի Պետրոս Ադամեանի անուան պետական հայկական դրամատիկական թատրոնը, «Հայարտուն» կրթամշակոյթային կեդրոնը, Հայաստանի հանրային ռատիոյի Արամ Մերանգուլեանի անուան ժողովրդական գործիքներու անսամպլը, տեղի «ՃԷյրան», «Անի», «Վանք», «Նեմրութ», «Ախալցիխէն», «Մարիամ» պարախումբերը, երիտասարդական «Ռուսթաւի» համոյթը, ինչպէս նաեւ հրաւիրեալ եւ տեղաբնակ անհատ կատարողներ:

Առաջին անգամ Սայաթ-Նովայի նուիրուած «Վարդատօն»-ը պիտի ներկայացուի փառատօնի ծիրէն ներս:

Կից կը ներկայացնեն փառատօնի ծրագիրը:

Առաջին մաս

Մայիս 19-ը

– Թիֆլիսի հայկական տիկնիկային թատրոնի «Կար չկար, մի Սայաթ-Նովա կար» մանկական տիկնիկային ներկայացում, սկիզբը` ժամը` 11:30-ին:

– Մրցոյթի մասնակիցներու ցուցահանդէսի բացում, սկիզբը` ժամը` 12:00-ին:

– Ծաղիկներու տեղադրում Սայաթ-Նովայի շիրմաքարին, սկիզբը` ժամը` 12:30-ին:

Երկրորդ մաս

Աւանդական վարդատօնեան համերգ. Պիտի մասնակցին տեղի եւ հրաւիրեալ ստեղծագործական երգի եւ պարի խումբերը, սկիզբը` ժամը` 13:00-ին: