Վարչապետ Նիկոլ Փաշինեան եւ տիկին Աննա Յակոբեան Փեքինի Ազգային ողիմպիական մարզադաշտին մէջ ներկայ  գտնուած են «Ասիական քաղաքակրթութիւններու երկխօսութիւն» համաժողովի կալա համերգին: Ձեռնարկին ներկայ  եղած են նաեւ Չինաստանի Ժողովրդական Հանրապետութեան նախագահ Սի Ծինփինը, Սինկափուրի, Սրի Լանքայի, Յունաստանի նախագահները եւ Գամպոտիայի թագաւորը: Բացման խօսքով հանդէս  եկած է ՉԺՀ նախագահ Սի Ծինփինը եւ ջերմօրէն ողջունած ներկաներուն:

Ինչպէս «Հայերն այսօր»-ին կը յայտնեն ՀՀ վարչապետի մամլոյ ծառայութենէն, կալա համերգի ընթացքին «Ասիական քաղաքակրթութիւններու երկխօսութիւն» համաժողովի մասնակից  քանի մը տասնեակ պետութիւններու ներկայացուցիչները հանդէս եկած են կատարումներով` ներկայացնելով իրենց ազգային մշակոյթը: Ձեռնարկին ընթացքին ելոյթ  ունեցած է նաեւ Հայաստանի պարարուեստի «Բարեկամութիւն» պետական համոյթը:

«Ասիական քաղաքակրութիւններու երկխօսութիւն» համաժողովի մասնակիցներու թիւը կ՛անցնի 2 հազարը` աշխարհի 47 երկրէ: Համաժողովին նպատակն է ամրապնդել Ասիական տարածաշրջանի պետութիւններու կապերը, ներառեալ` տնտեսական, խորացնել համագործակցութիւնը տարբեր ուղղութիւններով: