ՀՀ վարչապետ Նիկոլ Փաշինեան, Երեւանի Շառլ Ազնաւուրի հրապարակին վրայ, Հոկտեմբեր 1-ի երեկոյեան մասնակցեցաւ մեծ շանսոնիէի յիշատակի մոմավառութեան արարողութեան: Նիկոլ Փաշինեան խոնարհեցաւ Ազնաւուրի յիշատակին համար հրապարակին վրայ դրուած ծաղիկներուն առջեւ, ապա վառեց իր մոմը:

Ըստ Armenpress.am-ի՝ մոմավառութեամբ Շառլ Ազնաւուրին յարգանքի տուրք մատուցելու համար անոր անունը կրող հրապարակ եկած էին Ազնաւուրի արուեստի հարիւրաւոր սիրահարներ, ՀՀ կառավարութեան անդամներ, Հայաստանի մայրաքաղաքի հիւրեր: