Պոլսահայ սիրուած երգչուհի Սիպիլը սեպտեմբեր 24-ին CNN TURK-ի հեռուստաընկերութեան հիւրը  եղած է: Առաջին անգամ հեռուստաընկերութեան եթերով ցուցադրուած է անոր «Միայն դու»  արեւմտահայերէն երգի տեսահոլովակը:

«Մեծ ուրախութիւն եւ հպարտութիւն էր, որ «CNN Turk»-ին համաձայնեցաւ ցուցադրել իմ «Միայն դու» նոր երգի տեսահոլովակը: Միեւնոյն ժամանակ ցանկացայ, որ ծրագիրին մէջ հնչէ կենդանի երաժշտութիւն եւ ես կատարեմ հայերէն երգեր: Առաջարկս հաճոյքով ընդունուեցաւ: Թուրք երաժիշտներու ընկերակցութեամբ` երգեցի «Իմ անուշ տաւիղ» եւ «Կիլիկիա» երգերը»,- ««Հայերն այսօր»-իհետ զրոյցին ըսաւ Սիպիլը եւ նշեց, որ հեռուստաընկերութեան հաղորդավար Հաքան Սելիքն իր անձին հանդէպ մեծ յարգանք ունի եւ միշտ իր կողքին է:

«Իմ գրեթէ բոլոր տեսահոլաւակներն առաջին անգամ իր ծրագիրին ընթացքին  ցուցադրած է:  Երբ դիտեց տեսահոլաւակը եւ լսեց երգը, շատ հաւնեցաւ ու ինծի եւ երաժիշտ Կոքսել Պակթագրին հիւր ընդունեց: Ծրագիրը գրեթէ մէկ ժամ տեւեց: Ինչպէս ըսի, երգեցի երկու հայերէն երգ, ինչպէս նաեւ խօսեցայ հայկական մշակոյթի եւ Հայաստանի մասին: Պատմեցի նաեւ թուրք երաժիշտներու` Հայաստան կատարած այցի մասին, որ կազմակերպուած էր Melody For Harmony ծրագիրի շնորհիւ: Խօսեցայ նաեւ Հայաստանի ժողովուրդի ջերմութեան եւ մտերմիկ վերաբերմունքին մասին: Իսկ աւարտին աւելցուցի, որ թէեւ դժուար է, բայց իմ մայրենի լեզուն ապրեցնելու համար  հայերէն կ´երգեմ եւ պիտի երգեմ», -նշեց Սիպիլը: