Ճանաչողական մասի ծիրէն ներս Սփիւռքի նախարարութեան «Քայլ դէպի տուն» ծրագիրի մասնակիցները օգոստոս 11-ին եւ 17-ին այցելեցին նաեւ Ապարանի Եղիպատրուշ գիւղը, ուր Ապարանի «Սքայ» ակումբի  եւ խումբ մը եղիպատրուշեցի կամաւորներու ջանքերու շնորհիւ նախապէս ծրագիր  կազմուած էր պատանիներուն գիւղական կեանքի հետ ծանօթացնելու եւ ատոր մասնակիցը դարձնելու:

Մասնակիցները նախ ծանօթացան գիւղի պատմամշակութային վայրերուն, ապա բաժնուելով խումբերու` անցան խաղ-մրցոյթին:

Նախապէս մշակուած էր 5 առաջադրանք.

1. Թոնրի լաւաշի պատրաստում եւ մեղուի փեթակներու բացում, մեղրաքամ:
2. Բուրդ չփխել, մանել:
3. Ցորենէն ձաւարի ստացում եւ կովերու կթման գործընթաց:
4. Գիւղի մասին տեղեկութեան հաւաքում:
5. Խոտի տուկերու հաւաքում մեքենայի մէջ:

Իւրաքանչիւր վարժութեան կատարման համար կը տրուէր 20 վայրկեան, վարժութիւնները կը գնահատուէին, եւ իբրեւ  արդիւնք խումբերէն մէկը կը ճանչցուէր յաղթող` նուէր ստանալով ազգային հագուստով լուսանկարուիլ:

Լուսանկարները` Զարա Ղազարեանի

17.am