ՄԱՅՐՈ սթարթափ խումբը  իր կատակերգութիւնները սկսած է ստեղծել դեռ 7-8 ամիս առաջ: Կատակերգութիւններու  հիմնական թեմաներն են` հայկական առասպելաբանութիւնը, վիպերգութիւնն  ու հայոց պատմութիւնը:

Ապրիլին Հայաստանի մէջ տեղի ունեցած իրադարձութիւններէն յետոյ խումբը որոշեց կատակերգութեան-գիրք  մը ստեղծել յեղափոխութեան մասին: «Հայկական թաւշեայ յեղափոխութիւն» վերնագրով գիրքին մէջ տեղ գտան յեղափոխութիւնը նախաձեռնած, յեղափոխութեան մասնակցած մարդոց կերպարները, ներառեալ` Սփիւռքի նախարար Մխիթար Հայրապետեանը:

Գիրքին նպատակն է ո՛չ միայն հայերուն, այլեւ ամբողջ աշխարհին պատմել բաց ձեռքերու, ոչ բռնի, թաւշեայ յեղափոխութեան մասին: Հինգ մասէ բաղկացած գիրքն ամբողջապէս կը ներառէ յեղափոխութեան իրական պատմութիւնը` քայլարշաւէն մինչեւ Ազգային ժողովի ընտրութիւններ եւ յաղթանակի ցնծութիւն Հանրապետութեան հրապարակին վրայ` ներկայացնելով այնպիսի դրուագներ, որոնք դուրս  մնացած են ուղիղ եթերներէն, լուսանկարներէն ու հարցազրոյցներէն:

Այդ ամէնը ճշգրտօրէն պատկերելու համար գիրքին հեղինակները նախապէս հանդիպումներ  ունեցած են  յեղափոխութեան մասնակիցներուն հետ:

Գիրքն արդէն հնարաւոր է ձեռք բերել առցանց` այցելելով https://www.indiegogo.com/projects/the-armenian-velvet-revolution-comic-book-part-1-books-adventure կայք-էջ:

Գրքին Առաջին մասի առաքումները կը կատարուին նոյեմբեր ամսուն: