Յուլիս 20-ին Ջերմուկի ՄԷջ Սփիւռքի նախարար Մխիթար Հայրապետեան մասնակցեցաւ ՄԱԿ-ի փախստականներու հարցերով գերագոյն յանձնակատարի նախաձեռնած համատեղ արտագնայ խորհրդակցութեան:

Խորհրդակցութեան կը մասնակցէին ՄԱԿ ՓԳՀ-ի հիմնական կառավարական գործընկեր Միգրացիոն ծառայութեան պատուիրակութիւնը, սփիւռքի փոխնախարար Դաւիթ Սարգսեան եւ նախարարութեան Մերձաւոր եւ Միջին Արեւելքի հայ համայնքներու վարչութեան պետ Լեւոն Անտոնեան:

Աշխատաժողովի նպատակն էր ծանօթացնել մասնակիցներուն փախստականներու համար միջազգային պաշտպանութիւն ապահովելուն եւ կառավարութեան հայաստանեան ծիրէն ներս երկարատեւ լուծումներ գտնելուն աջակցելու հարցով ՄԱԿ ՓԳՀ դերին հետ:

Մասնակիցները ներկայացուցին ընդելուզման ռազմավարութիւններու մշակման եւ ատոնց տարրերու վերաբերեալ Սփիւռքի նախարարութեան տեսլականը, թէ ինչպէս պէտք է հասցէագրել տեղահանուած բնակչութեան ընդելուզումը նախարարութեան լիազօրութիւններու աւելի լայն շրջանակի ներքոյ, տրամադրեցին Միգրացիոն ծառայութեան կողմէ մշակուած ընդելուզման հայեցակարգի եւ ատոր իրականացման նախնական փորձի մասին տեղեկատուութիւն: