Յուլիս 24-ին Սփիւռքի նախարարութեան աջակցութեամբ Վանաձորի մէջ ելոյթ ունեցաւ Փարիզէն  ժամանած «Արարատ» պարախումբը, որ այս տարի կը տօնէ իր հիմնադրման 15 ամեակը: Պարախումբն առաջին անգամ է, որ հանդէս կու գայ  Հայաստանի մէջ:

Համերգին ողջոյնի խօսքով հանդէս եկաւ Լոռիի փոխմարզպետ Սերգէյ Սարուխանեան: Ան շնորհաւորեց պարախումբի յոբելեանը եւ բարի երթ մաղթեց:

«Արարատ» պարախումբը համերգով հանդէս կու գայ նաեւ յուլիս 28-ին Ալ. Սպենդիարեանի անուան օփերայի եւ պալէի ազգային ակադեմական  թատրոնի  դահլիճին մէջ: