«Հայերն այսօր»-ի տեղեկացմամբ, նոյեմբեր 11–ին ՀՀ սփիւռքի նախարարութեան եւ «Հայրենիք-Սփիւռք կեդրոն» ՊՈԱԿ-ի աշխատակիցները  մասնակցած են Երեւանի մէջ իրականացուող համաքաղաքային շաբաթօրեակին:

Անոնք մաքրած ու բարեկարգած են նախարարութեան նախաձեռնութեամբ ստեղծուած Օղակաձեւ զբօսայգիի 4-րդ հատուածին մէջ գտնուող «Հայ բարերարներու ճեմուղին»:

Աւելցնենք, որ համաքաղաքային շաբաթօրեակին ներգրաւած  եղած են նաեւ Երեւանի քաղաքապետարանի եւ վարչական շրջաններու աշխատակազմերու, քաղաքապետարանի ենթակայութեան կառոյցներու, պետական, մասնաւոր կազմակերպութիւններու աշխատակիցներ, կրթօճախներու եւ հասարակական կազմակերպութիւններու ներկայացուցիչներ: