Հոկտեմբեր 24-ին մեկնարկած «Վենետիկի Մխիթարեան Միաբանութիւն-300» խորագիրով միջազգային գիտաժողովը շարունակեց իր աշխատանքերը «Մխիթարեաններու գործունէութիւնը պատմագիտութեան ասպարէզին մէջ», «Մխիթարեաններու աւանդը բանասիրութեան ոլորտին մէջ», «Արուեստը եւ մշակոյթը Մխիթարեաններու գործունէութեան մէջ» թեմատիկ ուղղութիւններով:

Առաջին ուղղութեան թեմատիկ նիստին զեկուցումներով հանդէս եկան «Բազմավէպ» հա­յա­գի­տական հանդէսի խմբագիր Հայր Սերովբէ վրդ. Չամուրլեան («Մխիթար Աբբահօր մուտ­­­քը Սուրբ Ղազար կղզի»), ՀՀ ԳԱԱ Արեւելագիտութեան հիմնարկի Քրիստոնեայ Արեւելքի բաժնի գլխաւոր գիտաշխատող Ազատ Բոզոյեան («Բիւզանդական նոմո­կա­նո­նի վենետիկեան ձեռագիրը»), Վանաձորի պետական համալսարանի պատմաշխարհագրական բաժանմունքի պատմութեան ամպիոնի վարիչ Ֆե­լիքս Մովսիսեան («Վենետիկի Մխի­թարեան­նե­րը նապոլէոնեան տիրապետութեան դէմ եւրոպական ժո­ղո­­վուրդ­ներու ազգային-ազատագրական պայքարի մա­սին»), Երեւանի պետական համալսարանի դասախօսներ Նորայր Պօղոսեան («Մխիթարեան միաբաններու նա­մակները 18-րդ դարուն Երուսաղէմի կացութեան մա­սին») եւ Լուսինէ Ս. Սահակեան («Վենետիկի Մխիթարեան Մատենադարանին մէջ պահուող Համշէնի մէջ օրինակուած երկու ձեռագիրի մասին (հմր. 114, հմր. 52)»), Հայկական հանրագիտարան հրատարակչութեան գլխաւոր խմբագիր-տնօրէն Յովհաննէս Այվազեան («Մխիթարեան միաբանութեան բնա­գիտա­կան ժառանգութեան շուրջ»), ԳԱԱ փիլիսոփայութեան, ընկերաբանութեան եւ իրաւունքի հիմնարկի յառաջատար գիտաժողով Ռիմա Միրումեան («Մխիթարեաններու քաղաքակրթական մեծ սխրանքը»):

«Մխիթարեաններու աւանդը բանասիրութեան ոլորտին մէջ» թեմատիկ նիստին իրենց զեկուցումները ներկայացուցին Խ. Աբովեանի անուան հայկական պետական մանկավարժական համալսարանի Հայ գրականութեան եւ անոր դասաւանդման մեթոտիկայի ամպիոնի վարիչ Աելիտա Դոլուխանեան («Վիքթոր Լանգլուան Վենե­տիկի Մխիթարեան միաբանութեան մասին»), Մ. Աբեղեանի անուան Գրականութեան հիմնարկի գիտական գիծով փոխտնօրէն  Հերիքնազ Որսկանեան («Հայ միջ­նա­դար­եան տե­սիլ­­ներու Մխիթարեաններու հրատարա­կութ­իւնները եւ ուսում­­նասիրութիւնները»), Մ. Աբեղեանի անուան Գրականութեան հիմնարկի յառաջատար գիտաշխատող Ալբերտ Մուշեղեան («Վիեննայի եւ Վե­նե­տի­կի Մխիթարեան Հայրեր Յովսէփ Գաթըրճեանը եւ Բարսեղ Սար­­գի­սեանը` Նիկիական Հանգանակի ակնառու մէկ­նա­բան­­ներ (եւրոպացի մասնագէտներու գնա­հատ­մամբ)»), Երեւանի պետական համալսարանի դասախօս Ռուզաննա Տէր-Գրիգորեան («Ռուս դասական գրա­կա­նու­թիւնը Մխիթարեաններու գնահատմամբ»), ԳԱԱ Արուեստի հիմնարկի աւագ գիտաշխատող Անահիտ Բեքարեան («Պայրոնի հայա­գի­տա­­կան ուսումնասիրութիւնները Մխիթարեան Մայրա­վան­­քին մէջ»), ԳԱԱ ԼԻ ընդհանուր եւ համեմատական լեզուաբանութեան բաժնի վարիչ եւ հայոց լեզուի եւ անոր դասաւանդման մեթոտիկայի ամպիոնի վարիչ Վազգէն Համբարձումեան («Մխիթարեան միաբա­նու­­թեան լեզուամշակութային դերը հայերէնի ուղղա­գրու­թեան դա­սա­կան կանոնարգման գործին մէջ»), Վանաձորի պետական համալսարանի դասախօս Լիլիթ Պետրոսեան («Հին հայերէնի հնչիւններու մա­սին դիտարկումները Դ. Թրականցու «Քերականական արուեստ»-ի մեկնիչներու երկերուն մէջ»), լեզուաբան, Ճարտա­րա­պե­տութ­եան եւ շինարարութեան Հայաստանի ազգային համալ­սա­րանի դասախօս Լաւրենտի Միրզոյեան («Մխիթարեաններու մանկավարժական ժառան­գութ­իւնը»):

Երրորդ թեմատիկ նիստին` «Արուեստը եւ մշակոյթը Մխիթարեաններու գործունէութեան մէջ», զեկուցումներով հանդէս եկան Մեսրոպ Մաշտոցի անուան հին ձեռագիրներու հիմնարկ-մատենադարանի աւագ գիտաշխատող Արուսեակ Թամրազեան, «Վենետիկի եւ Վիեն­նայի Մխի­­թա­րեան միաբանութեան «Մանրուսման» ձեռա­գիրնե­­րը», Չեխիոյ Չարլզ համալսարանի փիլիսոփայութեան բաժանմունքի պատուաւոր անդամ, համալսարանի նուագախումբի եւ երգչախումբի գլխաւոր խմբավար Հայկ Իւթիւջեան («Վենետ­կօ Մխի­թարեան Ս. Հարց երաժշտական վաստա­կը»), ՀՀ ԳԱԱ Արուեստի հիմնարկի տնօրէնի տեղակալ, երաժշտութեան բաժնի վարիչ Աննա Ասատրեան («Հայ երաժշ­տութ­իւնը «Գեղունի» էջերուն մէջ»), Երեւանի Կոմիտասի անուան պետական երաժշտանոցի երաժշտութեան պատմութեան ամպիոնի վարիչ Լուսինէ Զ. Սահակեան («Կոմիտաս Վար­դա­պե­տը եւ Մխիթարեան միաբանութիւնը»), ՀՀ ԳԱԱ Արուեստի հիմնարկի աւագ գիտաշխատող Անահիտ Բաղդասարեան («Սուրբ Պա­տա­րա­գի երգեցողութիւնները Պիետրօ Բիանկինիի բազ­մա­ձայն մշակ­մամբ»), Ալ. Թամանեանի անուան ճարտարապետութեան ազգա­յին թանգարան-հիմնարկի հիմնադիր-տնօրէն Աշոտ Գրիգորեան («Հայկական պաշ­տա­մու­ն­քա­յին կա­ռոյց­ներու յօրինուածքային նախատիպերու եւ տի­պե­րու  ծագ­ման ու զարգացման նախապայմաններու մէկ­նու­թիւն­ները, ըստ Վենետիկի Մխիթարեան միաբաններու ուսումնասիրութիւններու»), ԳԱԱ Արուեստի հիմնարկի  յառաջատար գիտաշխատող Դաւիթ Քերթմենջեան («Հայկական քա­ղա­քա­շի­նու­թեան պատմութեան նիւթերը Մխիթարեան­ներու գի­տա­­կան ժառանգութեան մէջ»):

Բոլոր բաժանմունքներուն մէջ տեղի ունեցան քննարկումներ: