«Երջանկութիւն բոլոր երեխաներուն»  խորագիրը կը կրէր  յունիս 4-ին Ալմաթի մէջ Ղազախստանի հայերու միութեան «Մասիս» հանրապետական հասարակական կազմակերպութեան նախաձեռնած ձեռնարկը` նուիրուած երեխաներու պաշտպանութեան միջազգային օրուան: Այս մասին  «Հայերն այսօր»-ին Ալմաթիէն կը տեղեկացնէ Լուսինէ Շահվերդեան:

Ձեռնարկին տեղի ունեցաւ AmurE համերգաժամանցային համալիրին մէջ, ուր յատուկ հրաւիրուած խաղավարները բոլոր երեխաներուն համար պատրաստած էին զուարճալի խաղեր եւ անակնկալներ: Յատկապէս գրաւիչ էին խմբական խաղերը, որոնք նպաս­տեցին, որպէսզի  երեխաներն աւելի լաւ ծանօթացան իրարու հետ եւ ընկերանան: Տօնական այս ձեռնարկին նախաձեռնողները փոքրիկներուն հաճելի անակնկալ մատուցելէ զատ` նպատակ ունէին աշխուժացնել անոնց, համախմբել հայկական համայնքին շուրջ, նոր շունչ հաղորդել համայնքային կեանքին:  Ձեռնարկին աւարտին երեխաները խոստովանեցան, որ կ’ուզէին յաճախ հանդիպիլ, աւելի  աշխոյժ ըլլալ եւ մասնակցիլ համայնքէն ներս կազմակերպուող բոլոր հաւաքոյթներուն, կազմակերպիչները թեթեւցած շունչ քաշեցին. չէ՞ որ հէնց ատիկա էր օրուան գերխնդիրը: Գոհ էին բոլորը` եւ հայկական կիրակնօրեայ դպրոցի սաները, եւ հիւրերը, եւ ծնողները: Ի դէպ, անոնց մասին ալ հոգացած էին կազմակերպիչները, եւ մինչ երեխաները կը զուարճանային խաղավարներուն հետ, ծնողներուն ներկայացուեցաւ տեղեկատուութիւն «Մասիս» հանրապետական հասրակական կազմակերպութեան գործունէութեան հիմնական ուղղութիւներուն` Հայկական կիրակնօրրեայ դպրոցի, Ալմաթիի  Հայ կանանց միութեան եւ Հայկական պարերու արուեստանոցին  մասին: