Մայիս 28-էն յունիս 2 Մալթայի մէջ մեկնարկած էր «International Folk Festival»-ը, ուր Հայաստանէն որպէս յատուկ հիւր  ներկայացած էր  երգչուհի Տալիթան: Փառատօնին կը  մասնակցէին  իրենց երկրի մշակոյթը ներկայացնող տարբեր երկիրներու ներկայացուցիչներ:

Տալիթան կատարած է  հայկական ֆոլք-մոտեռն երկու երգ` «Մենք ենք, սարերը մեր» (Ինգա եւ Անոյշ Արշակեաններ), «Հու-հա» (Սիրուշօ), ռուսերէնով երեք երգ, որոնցմէ մէկը` Առնօ Բաբաջանեանի երգը, եւ երկու անգլերէն երգ: Բոլոր երգերն ընտրուած եւ հաստատուած էին կազմակերպիչներուն կողմէ:

«Փառատօնին ընթացքին անակնալ տեղի ունեցաւ. կազմակերպիչներէն մէկը, շատ հաւնելով Տալիթային, հրաւիրեց մասնակցելու Miss European Beauty 2017 մրցոյթին, որ կ’իրականացուի այս օրերուն Մալթայի մէջ: Պատկերացուցէք` հայկական գեղեցկութիւնը գերեց Մալթան, եւ Տալիթան յաղթեց Կրան Փրի մրցանակը` արժանանալով «Young Miss European Beauty-2017» տիտղոսին»,-«Հայերն այսօր»-ին  տեղեկացուց Տալիթայի մայրը` Իզապելլան: