Փետրուար 5-ին յաւարտ Սուրբ Պատարագի` Ախալքալաքի եւ յարակից գիւղերու հոգեւոր հովիւ Արժանապատիւ Տէր Տաթեւ քահանայ Մարուքեան ընթերցեց Սփիւռքի նախարարութեան «Հայապահպանութեան գործին մէջ նշանակալի աւանդի համար» համահայկական ամէնամեայ մրցանակաբաշխութեան մէջ «Մայրենիի պաշտպան» անուանակարգին մէջ պարգեւի արժանացած Գէորգ Հայասայի պատուոգիրը:

Ինչպէս «Հայերն այսօր»-ին կը յայտնեն Ջաւախքի առաջնորդական փոխանորդութեան մամլոյ դիւանէն` աւարտին Սամցխէ-Ջաւախքի եւ Ծալկայի ընդհանուր առաջնորդական փոխանորդ Հոգեշնորհ Տէր Բաբգէն վարդապետ Սալբիյեան մետալը եւ պատուոգիրը յանձնեց Գէորգ Հայասային: