Հոլանտայի Ալմելօ քաղաքի ՀՄԸՄ-ը միացած է ՀՀ սփիւռքի նախարարութեան նախաձեռնած «Դուն ի՞նչ կ’ընես Ղարաբաղի համար» համահայկական շարժման, որուն օրէ oր նորանոր երկիրներու հայկական համայնքներ, միութիւններ կը միանան` իրենց զօրակցութիւնն ու աջակցութիւնը յայտնելով Արցախին:

Ալմելոյի ՀՄԸՄ-ը հիմնադրուած է 1996 թուականին Իրաքէն գաղթած հայերուն կողմէ, որուն նպատակը եղած է հայ երիտասարդներու համախմբումը եւ հայապահպանութիւնը: ՀՄԸՄ-ը ունի 2 հիմնական ուղղութիւն`  մարզական եւ սկաուտական: Ալմելոյի մէջ կը գործեն ֆութպոլի երիտասարդական խումբ, որոնք կը մասնակցին երկրի ֆութպոլային մրցումներուն: Ունին նաեւ փոքրերու ֆութպոլային խումբ, ինչպէս նաեւ աղջիկներու վոլէյպոլի խումբ: