Դեկտեմբեր 15-ին` ժամը 9:30, ԵՊՀ Հայ բանասիրութեան բաժանմունքի դահլիճին մէջ (Աբովեան փ. 52 ա) տեղի պիտի ունենայ միջազգային գիտաժողով` նուիրուած գրող, ազգային-պետական գործիչ Աւետիս Ահարոնեանին:

Գիտաժողովին կազմակերպիչներն են Համազգային հայ կրթական եւ մշակութային միութիւնը, Երեւանի պետական համալսարանը եւ ՀՀ Սփիւռքի նախարարութիւնը: Գիտաժողովին նպատակն է համակողմանիօրէն, գիտական արդիական չափանիշներով քննել եւ արժեւորել Աւետիս Ահարոնեանի գրական ժառանգութիւնը, անոր ազգային-պետական գործունէութիւնը:

Գիտաժողովին զեկուցումներով հանդէս պիտի գայ 18 գիտնական Հայաստանէն եւ Սփիւռքէն:

Տեղեկութիւններու համար կրնաք զանգահարել Համազգայինի Երեւանի գրասենեակ հետեւեալ հեռախօսահամարով` (+374 10) 53. 39. 49: