Նոյեմբեր 11-ին ՀՀ սփիւռքի նախարար Հրանոյշ Յակոբեան ընդունեց հայկական Կարմիր խաչի ընկերութեան ղեկավար Մխիթար Մնացականեանը: Հանդիպման ներկայ էր նաեւ «Սուրիահայերու հիմնախնդիրները համակարգող կեդրոն» հասարակական կազմակերպութեան նախագահ Լենա Հալաճեանը:

Հանդիպման ընթացքին քննարկուեցան Սուրիոյ քաղաքացիական պատերազմի հետեւանքով Հայաստան տեղափոխուած սուրիահայերու հիմնախնդիրներուն առնչուող հարցեր: Նշուեցաւ, որ Կարմիր խաչի միջոցով կը տրամադրուի օգնութիւն, որ նպատակայարմար է իրականացնել «Սուրիահայերու հիմնախնդիրները համակարգող կեդրոն» հասարակական կազմակերպութեան հետ համատեղ:

ՀՀ սփիւռքի նախարար Հրանոյշ Յակոբեան ողջունեց նախաձեռնութիւնը եւ ընդգծեց ծրագիրի նշանակութիւնն ու իրագործելու կարեւորութիւնը: