Հոկտեմբեր 29-ին Ղազախստանի Աքթոպէ քաղաքին մէջ Ռուս Ուղղափառ եկեղեցւոյ տարածքին մէջ տեղի ունեցաւ խաչքարի բացում: Այն Աքթիւպինսկի մարզին մէջ առաջին հայկական քրիստոնէական խորհրդանիշն է:

Որձաքարէ խաչքարը պատրաստուած է Երեւանի մէջ եւ տեղափոխուած Աքթոպէ քաղաք: Այն թիւով 7-րդն է, որոնք տեղադրուած են Ղազախստանի տարբեր քաղաքներու մէջ: Այս մասին «Հայերն այսօր»-ին կը յայտնէ ` Ղազախտանի մէջ ՀՀ հիւպատոսը:

Բացման արարողութեան  կը մասնակցէին մարզի աքիմի (մարզպետի) տեղակալ Ասկար Շերիյազդանովը, ՂՀ մէջ ՀՀ հիւպատոս Մհեր Պատալեան, ՂՀ եւ ՌԴ տարբեր քաղաքներէ ժամանած համայնքներու նախագահներ, Աքթոպէի հայկական համայնքի բազմաթիւ ներկայացուցիչներ, քաղաքի իմամը եւ տեղի բնակիչներ: Խաչքարը օծեցին Հայ Առաքելական եկեղեցւոյ Թաշքենտ քաղաքի «Սուրբ Փիլիպոս» եկեղեցւոյ քահանայ Ղազախստանի եւ Ուզպեկիստանի հայերու հոգեւոր հովիւ տէր Յովհաննէս Գրիգորեան եւ Աստրախանի  Հայ Առաքելական «Սուրբ Հռիփսիմէ»  եկեղեցւոյ քահանայ տէր Մարկոս Սարգսեան:

Շնորհաւորելով հայ համայնքը Հայաստանի դեսպանութեան եւ դեսպանի անունէն խաչքարի տեղադրման կապակցութեամբ`  Մհեր Պատալեան նշեց, որ այս օրը հոգեւոր  տօն է Ղազաղստանի մէջ ապրող հայերուն համար:

Խաչքարը տեղադրուեցաւ «Ուրարտու» հայկական համայնքին ջանքերով: Համայնքի ղեկավար Հայկ Տէրտէրեան ընգծեց, որ «Խաչքարը  սրբատեղի մըն է, կոթող  այստեղ բնակող մօտ երկու հազար հայերու համար, քանի որ Աքթոպէ քաղաքին մէջ չկայ հայկական եկեղեցի»: