Սեպտեմբեր 4-ին Ասթանայի հայկական կիրակնօրեայ դպրոցին մէջ հանդիսութիւն էր` նուիր­ուած նոր ուսումնական տարուան մեկնարկին: Հայ երեխաներու դպրոցամուտը նշելու  հաւաքուած էին «Վան» հայկական մշակութային կեդրոնի ղեկավարները, համայնքի ներկայա­ցու­ցիչները, ծնողներ եւ, ի հարկէ, ուսուցիչներ: Այս տարի դպրոցը պիտի ունենայ 25 աշակերտ:

Ինչպէս «Հայերն այսօր»-ին կը տեղեկացնեն Ասթանայի հայ համայնքէն, հանդիսութեան կը մասնակցէր Ղազախստանի մէջ ՀՀ դեսպան Արա Սահակեան:  Ան շնորհաւորեց նոր ուսումնական տարուան մէկ­նար­կին առթիւ եւ ողջերթի խօսք ըսաւ ուսուցիչներուն, աշակերտներուն, բոլոր անոնց, որոնք կը գի­տակցին մայրենի լեզուի դերը ազգապահպանութեան կարեւոր գործին մէջ  եւ զինուորագրուած են հայուն հայ պահելու, անոր իր պատմական արմատներուն, պատմութեան ու մշակոյթին հա­ղոր­դակից դարձնելու ազգանուէր գործին:

Դեսպանը իր խօսքին մէջ շնորհակալութիւն յայտ­նեց ՀՀ սփիւռքի նախարարութեան` Ասթանայի, Աթըրաուի, Գարականտայի հայկա­կան դպրոց­ներուն մայրենիի ուսուցման դասագիրքերու նոր խմբաքանակ եւ ուսումնամեթոտական այլ նիւթեր տրամադրելու համար:

Հանդիսութեան վերջաւորութեան ելոյթ ունեցաւ «Վան» հայկական մշակութային կեդրոնի համանուն պարային համոյթը: