Նիւ Եորքի մէջ Հոկտեմբեր 10-11 պիտի կայանայ Հայաստանի տնտեսութեան մէջ արտաքին ներդրումներու գրաւման նուիրուած ներդրումային ֆորումը:

«Ամերիկայի ձայնը» կը տեղեկացնէ, թէ այս մասին յայտնած է Հայաստանի զարգացման հիմնադրամի ղեկավար Կարէն Մկրտիչեան:

Անոր խօսքով, Նիւ Եորքի ելեւմտական շրջանին՝ Ուոլ Սթրիթի մէջ կայանալիք ձեռնարկին ելոյթ պիտի ունենան Հայաստանի նախագահ Սերժ Սարգսեան, ինչպէս նաեւ Համաշխարհային դրամատան եւ Ասիական զարգացման դրամատան բարձրաստիճան պաշտօնեաներն ու ընկերութիւններու ղեկավարներ:

«Սա 15 տարիների ընթացքում առաջին նման միջոցառումն է եւ մենք դեռեւս չունենք ներդրողների ցուցակ»,- նշած է Մկրտիչեան:

Ֆորումի կազմակերպիչներն են Հայաստանի կառավարութիւնն ու Ասիական զարգացման դրամատունը: Ձեռնարկին ներկայ պիտի ըլլան տնտեսական յառաջատար մեկնաբաններ` HyattHotels/,, Reddit, PicsArt եւ շարք մը այլ ընկերութիւններու ղեկավարներ:

«Մենք ներկայացնելու ենք Հայաստանի տնտեսութեան 8 ոլորտ եւ դրանց աջակցմանն ուղղուած պետական ծրագրերը: Դրանից բացի, իւրաքանչիւր ոլորտի մասին կը խօսեն այդ ոլորտում յաջողութիւններ արձանագրած ընկերութիւնների ներկայացուցիչներ»,- նշած է Կարէն Մկրտիչեան:

Մասնաւորապէս, ներդրողներուն պիտի ներկայացուին Հայաստանի մէջ արեւային ուժի, երկաթուղագծային բեռնափոխադրումներու, Հիւսիս-Հարաւ մայրուղիի կառուցման, հանքավայրերու գործարկման, գիւղատնտեսութեան զարգացման ծրագիրներու հեռանկարները ինչպէս նաեւ` բարձր ճարտարագիտութիւններու զարգացման հեռանկարները:

Կարէն Մկրտիչեանի խօսքով, չնայած շրջափակման եւ կաշառակերութեան, Հայաստանի տնտեսութիւնը կրնայ արտերկրեայ ներդրողներու համար հետաքրքրութիւն ներկայացնել:

«Հայաստանը եւրոպական եւ ամերիկեան ընկերութիւնների համար հարթակ դառնալու ներուժ ունի, որոնք այնուհետեւ կարող են իրենց արտադրանքը տեղափոխել Ռուսաստան եւ Եւրասիական տնտեսական միութեան այլ երկրներ առանց մաքսավճարների»,– ըսած է ան:

Միեւնոյն ժամանակ, Հայաստանի զարգացման հիմնադրամի ղեկավարը նշած է, որ Հայաստանի տնտեսութեան մէջ արտերկրեայ ներդրումներուն չափը զգալի նուազած է, երբ Հայաստանի ղեկավարութիւնը Եւրոմիութեան հետ տնտեսական համագործակցութեան խորացման փոխարէն նախընտրեց անդամակցիլ Եւրասիական տնտեսական միութեան` ԵՏՄ-ին.

«Ուղղակի արտաքին ներդրումների ծաւալը զգալի նուազել է եւ այն կարող է մի շարք պատճառներ ունենալ: Դրանցից մէկն իմ կարծիքով այն է, որ մենք անցումային շրջանում ենք: Մինչ այն պահը, երբ Հայաստանը որոշեց միանալ Եւրասիական տնտեսական միութեանը, ակնկալիքն այն էր, որ երկիրը կը միանայ Եւրամիութեանը կամ Եւրոպական գործընկերութեանը: Երբ դա տեղի չունեցաւ, մի շարք եւրոպական ընկերութիւններ, որոնք ներդրումներ էին կատարում, այժմ նուազեցնում են սպասելիքները»,– նշած է Կարէն Մկրտիչեան:

Եւրոմիութեան շուկան, որ պիտի բացուէր Հայաստանի առջեւ ԵՄ տնտեսական համագործակցութեան պայմանագիրի ստորագրման պարագային, կը գերազանցէ Եւրասիական տնտեսական միութիւնը 10 անգամ, թէ՛ տնտեսական ներուժով եւ թէ քաղաքացիներու գնողունակութեամբ: