Հայաստան ներկայացնող ութամեայ երգիչ Միշան (Միքայէլ Գրիգորեան) «Մանկական Նոր ալիք 2016» միջազգային երգի մրցոյթին գրաւած է երկրորդ տեղը:

Միշան, որ ծնունդով Արցախէն է, մրցութային առաջին օրը կատարած է «Փոքրիկ ղարաբաղցին» երգը` հաւաքելով 88 հնարաւորէն 87 միաւոր: Իսկ մրցութային երկրորդ օրը կատարած է համաշխարհային «Uptown Funk» հիթը:

Առաջին տեղը կիսած են Ռուսաստանի ներկայացուցիչներ 13-ամեայ Ալեքսէյ Զապուկինը եւ «Էյ Վա» եռեակը: Երրորդ տեղը գրաւած  են Ղազախստանի եւ Ռուսաստանի երգչուհիները` 11-ամեայ Սատուակաս Ժանելը եւ 10-ամեայ Մարիա Միրոնովան:

Մրցոյթի եզրափակիչը տեղի  ունեցած է Ղրիմի «Արթեկ» կեդրոնին մէջ Օգոստոս 11-13: