Սթրազպուրկի մէջ  գործող «Հայորդի» երիտասարդաց միութեան նախաձեռնութեամբ  արդէն 2-րդ տարին է` կ’իրականացուի «Օգնենք սահմանամերձ գիւղերուն» բարեգործական ծրագիրը: Նպատակը` սահմանամերձ գիւղերուն մէջ բնակող  անապահով ընտանիքներու երեխաներուն հագուստով եւ գրենական պիտոյքներով ապահովելն է:

«Հայորդի» երիտասարդական միութեան անդամները Յուլիս 30-էն մինչ Օգոստոս 3  այցելեցին Արցախ եւ ՀՀ Տաւուշի մարզ` միութեան  օգնութիւնը հասցնելով անապահով ընտանիքներուն: Այս մասին «Հայերն այսօր»-ին կը յայտնեն նախաձեռնողները:

Արցախի մէջ երիտասարդները եղան Մարտակերտի շրջանի Նոր Սէյսուլան եւ Նոր Հայկաջուր գիւղերուն մէջ, իսկ Տաւուշի մարզին մէջ օգնեցին  Մովսէս, Ներքին Կարմիրաղբիւր  եւ Այգեպար գիւղերու  անապահով ընտանիքներուն: Ընդհանուր առմամբ` օգնութիւն  ստացած է շուրջ 140 ընտանիք:

Մօտ օրերս միութիւնը ծրագրած է այցելել Հայաստանի սահմանամերձ  գօտիի զօրամասեր եւ  զինուորներուն տրամադրել առողջապահական եւ այլ անհրաժեշտութեան պարագաներ: