Յունիս 3-ին` ժամը 16:00-ին, Հայաստանի նկարիչներու միութեան դահլիճին մէջ տեղի պիտի ունենայ Էդիկ եւ Ամալեայ Վարդանեաններու ստեղծագործութիւններու ցուցահանդէսի բացումը:

Ինչպէս կը յայտնէ «Հայերն այսօրը», ցուցահանդէսի աջակիցներն են Հայաստանի Հանրապետութեան սփիւռքի նախարարութիւնը, Հայ կանանց միջազգային միութիւնը, Հայաստանի գեղարուեստի ակադեմիան, Հայաստանի նկարիչներու միութիւնը եւ Արտ-Կովկաս տարածաշրջանային ընկերակցութիւնը (ArtCaucasus):

Էդիկ Վարդանեան Հայաստանի ամէնէն ինքնատիպ եւ վառ գեղանկարիչներէն է:

70-ամեայ յոբելեանին առիթով նկարիչը կը ներկայացնէ իր ստեղծագործունէութիւնը, որ անկրկնելի  է եւ ճանաչելի: