Երբ Ատրպէյճանի կողմէ հայ ժողովուրդի դէմ սկսան լայնածաւալ յարձակումները, մենք առաջին իսկ օրէն որոշեցինք մեր ներդրումը բերել Արցախի սահմանը կեանքի գինով պահող մեր անձնազոհ զինուորներուն:

Այս մասին «Արցախփրէս»-ի թղթակիցին հետ զրոյցին ըսած է վիրահայոց թեմի «Հայարտուն» կեդրոնի ղեկավար Լեւոն Չիդիլեան:

«Այս անգամ եկած ենք այլ ծրագիրով. զինուորներուն համար բերած ենք այնպիսի օգնութիւն, որուն կարիքը անոնք ունին: Իսկ Ջաւախքի Ծալկայի շրջանի հայկական գիւղերու դպրոցականները 6644 ամերիկեան տոլար գումար  հաւաքած են եւ փոխանցած ԼՂՀ կառավարութեան կողմէ բացուած յատուկ հաշուեհամարին,- ըսած է Լ. Չիդիլեան  եւ աւելցուցած,- կը կարծեմ` երեխաներու հանգանակած գումարը մեծ ոգեւորութիւն կ’առաջացնէ հայութեան լայն շրջանակներուն մօտ:

Լ. Չիդիլեանի հաւաստմամբ` նման օժանդակութիւնները պիտի ըլլան շարունակական, աւելի լայնածաւալ ու մեծ ընդգրկումներով: