Ապրիլ 8-ին ՀՅԴ Սեպուհ կոմիտէի եւ հայկական Սուրբ Խաչ եկեղեցւոյ նախաձեռնութեամբ բողոքի ցոյց  կազմակերպուած էր ԱՄՆ-ի մէջ Ատրպէյճանի դեսպանատան առջեւ:

«Հայերն այսօրի» փոխանցմամբ` Ատրպէյճանի հակահայկական քաղաքականութիւնը եւ ղարաբաղա-ատրպէյճանական սահմանի ողջ երկայնքով նախայարձակ գործողութիւնները դատապարտող պաստառներով աւելի քան 150 ցուցարարներ պահանջած են դադրեցնել Ատրպէյճանի ռազմատենչ գործողութիւնները ԼՂՀ տարածքին մէջ: