Արևելահայերեն
Русский
EnglishԹուրքիոյ Մէջ Մշակոյթի Տան Վերածուող Հերթական Եկեղեցւոյ Բակին Մէջ Մարդկային Ոսկորներ Յայտնաբերած Են
Թուրքիոյ Մուղլա նահանգի Տատչա շրջանին մէջ 19-րդ դարուն կառուցուած յունական եկեղեցին որոշած են դարձնել մշակոյթի տուն:
Ըստ թրքական «Demokrathaber.net» լրատուական կայքի` վերանորոգման աշխատանքներուն ընթացքին հին գերեզմանոց ու մեծ թիւով մարդկային ոսկրակտորներ յայտնաբերուած են, կը տեղեկացնէ ermenihaber.am-ը:
1932 թուականէն ետք տեղի յոյն բնակչութեան հեռանալէն ետք լքուած եկեղեցին 1970-էն ի վեր տեղական իշխանութիւններուն կողմէ որպէս պահեստ օգտագործուած է:
Նշենք, որ Թուրքիոյ մէջ ասիկա առաջին դէպքը չէ, երբ լքուած կամ կիսաւեր հայկական ու յունական եկեղեցիները կը վերածուին շրջանային կամ քաղաքային մշակութային տուներու:
