Նոր Ջուղայի Հայ մարզամշակութային «Արարատ» միութեան Երէցներու միաւորի վարչութեան նախաձեռնութեամբ եւ համագործակցութեամբ միաւորի ամբողջ անձնակազմի, Փետրուար 7-ի երեկոյեան  միութեան մարզասրահին մէջ նշուեցաւ հայկական աւանդական Բուն Բարեկենդանը: Այս մասին «Հայերն այսօրին» կը յայտնէ Երանոյշ Թահմազեան:

Ողջոյնի եւ բացման խօսքէն ետք` թիւով  55 տարազաւորներ մասնակցեցան կերպարներու ներկայացման մրցոյթին եւ  ըստ իրաւարար կազմի` գնահատուեցան լաւագոյն կերպարները:

Տօնախմբութեան ընթացքին բազմահարիւր  ներկաներ վայելեցին Երէցներու միաւորի պատրաստած ուտեստներն ու ըմպելիքները, իսկ մանուկները վայելեցին  գեղեցիկ փաթեթաւորուած քաղցրաւենիքներ ու այլ ուտեստներ: Միաւորը`  ի շահ միութեան, վաճառքի հանած էր նաեւ դիմակներ  եւ տեղուոյն վրայ նախատեսած էր  բարեկենդանին յատուկ դիմայարդարման հնարաւորութիւն:

Նշելի է, որ բեմային ծրագիրի իրականացման եւ ուտեստներու մատակարարման գիծով համագործակցութիւն  բերած էին միութեան Մշակութային եւ Սկաուտական միաւորները:

Լուսանկարները` հեղինակի