Սթամպուլի մէջ այսօր առաւօտեան ժամերուն տեղի ունեցած պայթիւնէն բացի քաղաքի մէկ այլ թաղամասի` Մալթեփէի մէջ, հիւրանոցներէն մէկուն շինարարական հրապարակին մէջ խոշոր հրդեհ  բռնկուած է:

Ականատեսներու պնդմամբ հրդեհէն առաջ պայթիւն տեղի ունեցած է, որմէ ետք 12 յարկանի հիւրանոցը կրակի մէջ  յայտնուած է:

ermenihaber.am-ի փոխանցմամբ` թրքական «Sondakika» լրատուական կայքի տեղեկացմամբ` դէպքի վայր  մեկնած են մեծ թիւով շտապ օգնութեան եւ հրշէջ մեքենաներ: Հիւրանոցի շինարարական հրապարակին վրայ աշխատող մօտ 14 շինարարներ տեղափոխուած են հիւանդանոց: Այս պահուն փրկարարները դէպքի վայրին մէջ կը շարունակեն աշխատանքները` փորձելով տարհանել հիւրանոցին մէջ գտնուող միւս շինարարները: