Աշխատանքային այցով Էսթոնիա գտնուող ՀՀ ԱԺ փոխնախագահ Էդուարդ Շարմազանով Պալթեան երկիրներու մէջ ՀՀ արտակարգ եւ լիազօր դեսպան Արա Այվազեանի եւ Էսթոնիոյ հայկական համայնքի ներկայացուցիչներու ուղեկցութեամբ Յունուար 10-­ին այցելած է Թալինի Սուրբ Գրիգոր Լուսաւորիչ հայկական եկեղեցի:

Ինչպէս կը տեղեկացնեն ՀՀ ԱԺ փոխնախագահի աշխատակազմէն, Էդուարդ Շարմազանով Էսթոնիոյ հայկական համայնքի ներկայացուցիչներուն հետ քննարկած է անոնց յուզող հարցերը, միտքեր  փոխանակուած են Հայրենիքի եւ ազգի համար օրակարգային հարցերու շուրջ:

Երկուստեք կարեւոր համարուած է Հայաստան­-Արցախ-­Սփիւռք եռամիասնութեան ամրապնդումն ու յետագայ կայուն, անշեղ զարգացումը: Էդուարդ Շարմազանով ՀՀ Ազգային ժողովի պատուոգիրներով  պարգեւատրած է Էսթոնիոյ հայկական համայնքի ղեկավար Ռազմիկ Իւանեանը, համայնքի ներկայացուցիչներ Կարէն Տէր­-Յովհանեսեանը եւ Քրիստինէ Յակոբջանեանը` Թալինի մէջ Հայոց ցեղասպանութեան 100-­րդ տարելիցին նուիրուած ձեռնարկներու կազմակերպման գործին մէջ ունեցած ամենաաշխոյժ մասնակցութեան եւ մեծ ներդրման համար: