ՀՕՄ-ի Հայաստանի Շրջանային վարչութեան Սահմանապահ եւ սահմանամերձ գիւղերու օժանդակութեան յանձնախումբը Տարեմուտին ընդառաջ, ամանորեայ նուէրներ պատրաստեց առաջնագծի վրայ կանգնած զինուորներուն` շնորհաւորելով անոնց գալիք Ամանորն ու Սուրբ ծնունդը: Այս մասին կը կարդանք ՀՕՄ-ի Facebook-ի էջին։

Շրջանային վարչութիւնը իր շնորհակալութիւն կը յայտնէ «Երկիր Մեդիա» հեռուստաընկերութեան, որ սիրով ու ջերմօրէն պատրաստակամութիւն յայտնած է առաջնագիծ այցելող լրագրողներու միջոցով նուէրները սահմանային զօրամասեր հասցնել:

Նշենք, որ սահման պահող Հայ Զինուորներու ամանորեայ շնորհաւորանքները «Երկիր Մեդիա»-ի եթերով կը հեռարձակուին Դեկտեմբեր 31-ի ողջ երեկոյեան: