Պէտք է միշտ յիշատակել Հայոց ցեղասպանութիւնը. ատիկա շատ կարեւոր է ապագային նման ողբերգութիւններ կանխելու համար: Այս մասին NEWS.am-ի թղթակիցին հետ զրոյցին ըսած է Գամպոտիոյ Թագաւորութեան կրթութեան, երիտասարդութեան եւ մարմնակրթութեան  նախարար Հանկ Չուոն Նարոն:

«Ես կը ցանկայի համերաշխութիւն  յայտնել հայ ժողովուրդին, քանի որ Գամպոտիոյ մէջ նոյնպէս ցեղասպանութիւն  եղած է: Ոչ բոլոր երկիրները ճանչցած են Հայոց ցեղասպանութիւնը, ատիկա չէ ըրած  նաեւ Թուրքիան: Բայց ես կը կարծեմ, որ  մենք պէտք է միշտ յիշատակենք այդ ողբերգութիւնը, որովետեւ ատիկա շատ կարեւոր է ապագային նման ողբերգութիւնները կանխելու համար»,- ըսած է  Հանկ Չուոն Նարոն:

Ան կը կարծէ, որ հայ ժողովուրդին հիանալի ապագայ կը սպասէ: «Կը կարծեմ, որ հայ ժողովուրդին ապագան հիանալի պիտի ըլլայ: Դուք հիանալի ժողովուրդ էք»,- աւելցուցած է նախարարը: