Հալէպի մէջ իրավիճակը բաւական հանգիստ է եւ կայուն: Այս մասին «Արմէնփրես»-­ին տեղեկացուցած է Հալէպի իր աղբիւրը` աւելցնելով, որ մերթընդմերթ ռումբեր կ՛իյնան, սակայն նախկին հրթիռակոծութեան բուռն տարափը նուազած է: Աղբիւրը նաեւ նշած է, որ իրավիճակը քաղաքին մէջ զգալիօրէն փոխուած է ռուսական միջամտութենէն ետք` յոյս յայտնելով, որ այն շարունակական կ՛ըլլայ:

«Կենցաղային դժուարութիւնները կը շարունակուին, հոսանքը օրուան ընթացքին 1-­2 ժամ կու գայ, իսկ ջուրը ընդհատումներով  կը մատակարարուի»,-­ նշած է աղբիւրը` աւելցնելով, որ կենցաղային դժավարութիւնները առօրեայի մաս կը կազմեն:

Հալէպ քաղաքը 2012-ի ամռուընէ ի վեր յայտնուած է կառավարական ուժերու եւ զինուած տասնեակ խմբաւորումներու բախումներու թիրախին: Բախումները այնտեղ մինչեւ այսօր կը շարունակուին: Քաղաքի արեւմտեան թաղամասերը կը գտնուին կառավարական ուժերու, իսկ արեւելեան թաղամասերը` զինուած խմբաւորումներու հսկողութեան տակ: