Օրուան լուսանկարը.  սուրիացի տղան` փոքրիկ եղբօր գրկած, կ’անցնի Յունաստանի եւ Մակեդոնիոյ սահմանը…

Photo: UNHCR/A. McConnell

Եւրոպական երկիրները մեծ խնդիրներ ունին կապուած փախստականներու աննախադէպ հոսքին հետ:  Գաղթականներու   ճգնաժամը Եւրոպայի մէջ ամենամեծն է Երկրորդ համաշխարհային պատերազմէն  յետոյ: Ապօրինի   ներգաղթեալներու  քանակը  եւրոպայի մէջ  տարբեր  գնահատականներով  արդէն իսկ 5-7  միլիոնի    կը հասնի:  Ապօրինի  գաղթականներու  հիմնական  հոսքը  կ’ընդունեն  Ֆրանսան,  Գերմանիան,   Իտալիան,   Սպանիան:

Արտաքին սահմաններու անվտանգութեան գիծով ԵՄ Frontex գործակալութիւնը յայտնած է, որ 2015-ին Եւրոմիութեան սահմանները հատած է 340 հազար գաղթական, այն պարագային, երբ 2014-ի ամբողջ ընթացքին անոնց թիւը եղած է 280 հազար:

Գերմանիոյ իշխանութիւնները մինչեւ տարեվերջ մօտ 800 հազար փախստականի ներհոսք կ’ակնկալեն, որ 4 անգամ կը գերազանցէ 2014-ի ցուցանիշը: Անոնց  հիմնական մասը Սուրիայէն են եւ Աֆղանստանէն եւ հիմնականին մէջ անոնք   կը ժամանեն Թուրքիոյ եւ Յունաստանի տարածքով:

Ներգաղթեալներու աճող թիւէն կը տուժեն նաեւ յունական կղզիները: Այնտեղ, ի տարբերութիւն Գերմանիոյ, չկան միջոցներ անոնց այլ երկիրներ ուղարկելու համար: Այսօր ամենաշատ փախստականները Գօս եւ Լերոս կղզիներուն մէջ են: :

Հերթական երկիրը, որուն միջով փախստականները կը յայտնուին Եւրոպայի մէջ, դարձած է Մակեդոնիան: Մակեդոնիա հասնելու համար երկար ամիսներ ճանապարհորդելով` ներգաղթեալները կը տեղափոխուին Սերպիա, այնուհետեւ կը հատեն Հունգարիոյ հետ սահմանը:

Օգոստոս   20-ին  Մակեդոնիոյ   կառավարութիւնը   արտակարգ  իրավիճակ  յայտարարեց   Յունաստանի   հետ  սահմանին  եւ  լրացուցիչ  զինուորական  ստորաբաժանումներ   տեղակայեց   այնտեղ`   կանխելու   համար  ապօրինի  ներգաղթեալներու   մուտքը   երկիր: միայն ՄԱԿ ՓԳՀ-ի աջակցութեան շնորհիւ յաջողեցան փոքր ինչ մեղմել իրավիճակը` օգնութիւն ցուցաբերելով փախստականներուն, որոնց մէջ շատ երեխաներ կային:

Մակեդոնիան այդքան միջոցներ չունի, որպէսզի ընդունի բոլոր փախստականները, կուտակուած յունա-մակեդոնեան սահմանին: Այս մասին BBC-ին տուած հարցազրոյցին ըսած  է երկրի ԱԳՆ ղեկավար Նիկոլայ Փոփոսկին:

– Վերջին  քանի մը օրուան կտրուկ աճած է փախստականներու թիւը, խօսքը  3-3.5 հազար մարդու մասին է օրական, – նշած է նախարարը, յիշեցնելով, որ Մակեդոնիոյ մէջ մօտ երկու միլիոն մարդ կը բնակի, այդ իսկ պատճառով երկիրը ի վիճակի չէ այդքան մարդ ընդունելու:

Աւելի վաղ Amnesty International ոչ կառավարական կազմակերպութիւնը յայտարարած էր, որ սահմանին փախստականներու հետ վարուած են ինչպէս զանգուածային ցոյցերու մասնակիցներու հետ:

Միջազգային գործակալութիւնները կը յայտնեն  նաեւ եւրոպական տարբեր երկիրներու մէջ  ներգաղթեալներու ընդվզումներու ու անկարգութիւներու  մասին:

Օգոստոս  20-ին  մօտ  50  փախստական  յարձակած  է  ոստիկաններուն  վրայ   Գերմանիոյ  Թիւրինկիոյ  դաշնային   շրջանին մէջ,   բախման   հետեւանքով   13 մարդ   վիրաւորուած   է:   Ըստ   էրֆուրտ   քաղաքի   ոստիկանութեան   ներկայացուցիչներուն,   անկարգութիւնները   սկսած  են   Օգոստոս  19-ի  երեկոյեան  Զուլ  քաղաքի  փախստականներուն  համար  նախատեսուած   ապաստարանին մէջ,  երբ  գաղթականներէն  մէկը  սկսած է   պատռել  ղուրանի  էջերը`      հրահրելով  այլ    20   փախստականներու:  Աւելի  ուշ  անոնց    միացած է   եւս  30   փախստական:

ԵՄ երկիրներու ներքին եւ արտաքին գործերու նախարարները մտադիր են հանդիպիլ Փարիզի մէջ Հոկտեմբերին` քննարկելու համար ապօրինի  ներգաղթեալներու  աննախադէպ հոսքը Եւրոպա:

Մինչդեռ ՄԱԿ-ի գաղթականներու գիծով յատուկ զեկուցող Ֆրանսուա Գրեպոն երէկ   յայտարարած է, որ Եւրոպան պէտք է վերանայի իր վերաբերմունքը  փախստականներու նկատմամբ եւ նոր մօտեցումներ կիրառէ գաղթականներու հարցով: Անոր խօսքով, մարդիկ կը փախչին պատերազմներէն եւ բռնութենէն, անոնք աջակցութեան եւ պաշտպանութեան կարիք ունին: Ատոր փոխարէն ապօրինի գաղթականներուն Եւրոպայի մէջ որպէս յանցագործ կամ ձրիակեր  կը դիտարկեն: Մինչդեռ խօսքը   երեխաներու մասին է, որոնք ծանր ապրումներու միջով անցած են:

«Իրենք բոլորն ալ,մեր նման մարդիկ են, ու մենք  բարոյական իրաւունք չունինք անոնց դատելու, քանի որ յայտնուելով իրենց տեղը շատ հնարաւոր է նոյն կերպ կը վարուէինք», – ըսաւ ան:

womennet.am