Հարուածային գործիքներու յայտնի հայ վարպետ Արտօ Թունճպոյաճեան հանդէս եկած է Վենետիկի մէջ Ցեղասպանութեան զոհերու յիշատակին նուիրուած համերգին ընթացքին, կը գրէ News.am-ը` յղում ընելով իտալական շրջանային  NordEst Quotidiano պարբերականին:

Համերգը տեղի  ունեցած է Jazz im Pro-Armenia 1915-2015 ծրագիրի ծիրէն ներս, որուն կազմակերպիչներն են Հայկական մշակոյթի հետազօտութեան եւ արձանագրման վենետիկեան կեդրոնը եւ արուեստի  «Քալիկուլա» ընկերակցութիւնը:

Armenian Dream ծրագիրի կազմակերպիչն ու հեղինակը Իտալիոյ մէջ բնակող   ֆրիուլներու փոքրաթիւ ազգութեան ներկայացուցիչ, դաշնակահար եւ երաժշտահան  Գլաուտիօ Գոյանիսն էր: Համերգը տեղի ունեցած է վենետիկեան Պալացցօ Կրասսի թատրոնին մէջ: