Արևելահայերեն
Русский
EnglishՔիշնեւի քաղաքապետարանը «աչք դրած է» հայկական եկեղեցւոյ տարածքի եւ գերեզմանատան վրայ
Քիշնեւի քաղաքապետարանը կը փորձէ խլել տեղի հայկական համայնքին պատկանող՝ Սուրբ Յարութիւն հայկական եկեղեցւոյ եւ անոր յարակից հայկական գերեզմանատան տարածքը: Այս մասին NEWS.am-ի թղթակիցին յայտնած է Մոլտովայի հայկական համայնքի ղեկավար Վեներա Գասպարեանը:
«Քիշնեւի քաղաքապետարանը կը ցանկայ խլել եկեղեցւոյ յարակից տարածքը, որ պատմականօրէն հայերուն կը պատկանի: Տարածքը մայրաքաղաքի կեդրոնի մէջ է, այդ պատճառով ալ կը ցանկան խել մեզմէ: Անիկա ալ հերիք չէ. հայկական գերեզմանատունն ալ կ’ուզեն: Ասիկա անթոյլատրելի է»,- ըսած է Վեներա Գասպարեանը:
Տեղի հայկական համայնքը արդէն դիմած է դատարան. Վեներա Գասպարեանի խօսքով՝ իրենք պիտի պայքարին մինչեւ վերջ, թոյլ չեն տար, որ խլեն իրենց պատմական հողն ու գերեզմանատունը:
«Կը չիմեմ Հայաստանի սփիւռքի նախարարութեան, Ազգային ժողովին, որ օգնեն մեզի, որպէսզի յաղթենք այս պայքարին»,- աւելցուցած է համայնքի ղեկավարը:
