Յունիս 22-ին, ժամը 10.00, ՀՀ սփիւռքի նախարարութեան մէջ տեղի կ’ունենայ  «Արի տուն» ծրագիրի երկրորդ փուլի բացման հանդիսաւոր արարողութիւնը (հասցէ` «Էրեբունի Պլազա» բիզնես-կեդրոն, 9-րդ յարկ, «Էրեբունի սրահ»):

«Արի տուն» ծրագիրի 2-րդ փուլի մասնակիցներուն կ’ողջունեն ՀՀ սփիւռքի նախարարութեան աշխատակազմի ղեկավար Ֆ. Զաքարեան, Վանաձորի դրամատիկական թատրոնի դերասան, ասմունքող Ջիւան Սարգսեան, Երեւանի մանկապատանեկան ստեղծագործութեան կեդրոնի  «Կռունկ» պարային համոյթը:

«Արի տուն» ծրագիրի երկրորդ փուլին`  Յունիս 22-Յուլիս 4, կը մասնակցի 104 երիտասարդ աշխարհի  7 երկրէ` ՌԴ-էն, Ուքրանիայէն,  Պելառուսէն, Վրաստանէն, Լիթուայէն, Սուրիայէն եւ ԱՄՆ-էն, նաեւ`  Հայաստան տեղափոխուած  13 սուրիահայ պատանիներ ու աղջիկներ:

Ինչպէս նախորդ տարիներուն, այս տարի եւս «Արի տուն»ը ունի 4-օրեայ ճամբարային ծրագիր, որ կը կազմակերպուի Ծաղկաձորի մէջ: