Յունիս 15-ին կայացաւ ՀՀ ՍՆ Սփիւռքի երիտասարդներու հայրենաճանաչութեան «Արի տուն» 2015թ. ծրագիրի առաջին փուլի բացման հանդիսաւոր արարողութիւնը, որուն կը մասնակցէին ՀՀ սփիւռքի նախարար Հրանոյշ Յակոբեան, Երեւան քաղաքի վարչական շրջաններու ու պատասխանատու գերատեսչութիւններու ներկայացուցիչներ:

Առաջին փուլին կը մասնակցի 58 երիտասարդ, որոնցմէ 38-ը` Հայաստան տեղափոխուած սուրիահայեր են, իսկ 20-ը` 13-18 տարեկան պատանիներ ու աղջիկներ ՌԴ-էն, Պելառուսէն, Թուրքմէնստանէն եւ ԱՄՆ-էն:

2015թ. ծրագիրի ծիրէն ներս նախատեսուած է մինչեւ 1100 սփիւռքահայ երիտասարդի այցը Հայրենիք: Ծրագիրը կ’իրականացուի 8 փուլով`  Յունիս 14-էն Օգոստոս 29: Այս տարի եւս «Արի տունը» կ’ունենայ քառօրեայ ճամբարային ծրագիր, որ կը կազմակերպուի Ծաղկաձորի մէջ:

2014թ. սփիւռքահայ 1071, իսկ հայաստանեան ընտանիքներէն 200 երեխայ մասնակցած է ծրագիրի ճամբարային փուլին: Անցեալ տարուան ծրագիրին մէջ կարեւոր համարուեցաւ Տիարպեքիրէն (Թուրքիա) 50 հոգինոց խումբի այցելութեան կազմակերպումը, այս տարի կը սպասուի Տերսիմէն նոյն քանակով իսլամացած հայերու մասնակցութիւնը «Արի տուն» ծրագիրին:

Ողջոյնի խօսքով հանդէս եկաւ ՀՀ սփիւռքի նախարարը` նշելով. «Արդէն եօթերորդ տարին է, որ ՀՀ սփիւռքի նախարարութիւնը կազմակերպում է սփիւռքահայ մեր պատանիների ու աղջիկների հայրենաճանաչութեան այցը Հայրենիք: Անցած եօթ տարիների ընթացքում հազարաւոր երիտասարդներ են այցելել Հայաստան, ճանաչել, սիրել ու կապուել Մայր Հայրենիքին, շատերը ուսումը շարունակել են Հայրենիքում, հարիւրաւոր մասնակից երեխաների յորդորներով իրենց ընտանիքները հանգիստը կազմակերպուել է Հայաստանում, տասնեակ երիտասարդներ ընտանիք են կազմել: Սիրելի՛ երեխաներ, այն զգացողութիւններն ու ապրումները, որ դուք կ’ապրէք Հայրենիքում, անփոխարինելի ու անկրկնելի են լինելու»:

Նախարար Հրանոյշ Յակոբեան կարեւոր համարեց ՀՀ տարբեր գերատեսչութիւններու, մարզային ու համայնքային կառոյցներու աջակցութիւնը «Արի տուն» ծրագիրին:

«Իմ խոնարհումն եմ բերում բոլոր այն հայաստանեան ընտանիքներին, որոնք սիրով հիւրընկալում են մեր մանուկներին ու պատանիներին, – ընգծեց ՀՀ սփիւռքի նախարարը` աւելցնելով, – մենք առանձնակի ջերմութեամբ պիտի հոգ տանենք սիրիահայ մանուկների մասին, ովքեր ժանակաւորապէս հեռանալով ռմբակոծուող Սիրիայից` իրենց հանգիստը որոշել են անցկացնել Հայաստանի խաղաղ երկնքի տակ»:

Ազդարարելով «Արի տուն» ծրագիրի մեկնարկը` ՀՀ սփիւռքի նախարարը, աւանդոյթի համաձայն, ամենակրտսեր մասնակիցին` 13-ամեայ Ռայմոնտ Նազարեանին (ՌԴ) հագցուց «Արի տուն» ծրագիրի տարբերանշանով շապիկն ու գլխարկը  եւ յանձնեց պայուսակը:

Մասնակիցներուն համար ցուցադրուեցաւ «Արի տուն» ֆիլմը, իրենց կատարումներով արիտունցիներուն ողջունեցին Մեսրոպ Մաշտոցի անուան խօսքի մշակոյթի կեդրոնի սաները,  «Մանկական եւրոտեսիլ 2014» երգի մրցոյթի Հայաստան ներկայացուցած Պեթթին եւ այլք:

Այնուհետեւ արիտունցիները ծանօթացան աշխատանքային խումբի անդամներուն հետ, որոնք 14 օր շարունակ պիտի ուղեկցին ու հոգ տանին իրենց: