ՀՅԴ երիտասարդական միութեան ներկայացուցիչները բողոքի ցոյց իրականացուցած են Լոս Անճելըսի Գերմանիոյ հիւպատոսարանին առաջ:  Ինչպէս կը հաղորդէ «Արմէնփրես»-­ը` վկայակոչելով հայկական «Ասպարէզ» պարբերականը, հայ երիտասարդները կոչ ըրած են Գերմանիոյ հետեւելու Եւրոպայի խորհրդարանի օրինակին եւ ճանչնալու Հայոց ցեղասպանութիւնը:

«Իր պատմութեան ընթացքին ունեցած մութ էջերուն համար սեփական մեղքը հատուցելէ ետք՝ Գերմանիան Երկրորդ Համաշխարհային տարիներուն իրականացուած Հոլոքոսթէն ետք գլխաւորած է ցեղասպանութիւնները դատապարտելու ջանքերը: Իրենց ջանքերու լոյսի տակ՝ անոնց համար բարոյական պարտք է Հայոց ցեղասպանութեան դատապարտումը: Սակայն ատոր փոխարէն գերմանական կառավարութիւնը հակառակ քայլեր կը ձեռնարկէ` խուսափելով 1915 թուականի դէպքերուն նկարագրման համար «ցեղասպանութիւն» եզրոյթի կիրառումէն»,-­ ըսած է Հայ երիտասարդական միութեան կեդրոնական վարչութեան ներկայացուցիչ Ժոզէֆ Քասքանեանը:

Հայկական երիտասարդական միութիւնը վերջին օրերուն եւ շաբաթներու ընթացքին տարբեր ցոյցեր եւ բողոքի ցոյցեր կազմակերպած է գերմանական դեսպանատուներու և հիւպատոսարաններու առջեւ: