Յունիս 23-ին ՀՀ սփիւռքի նախարար Հրանոյշ Յակոբեան ընդունեց լիբանանահայ արուեստաբան, «Noah’s Ark» պատկերասրահի տնօրէն Մովսէս Հերկելեանը:

Սփիւռքի նախարարը կարեւոր նկատեց սփիւռքահայ գործիչի իրականացուցած աշխատանքը հայ մշակոյթի, արուեստի պահպանման, արժեւորման ու տարածման ուղղութեամբ, նշեց, որ իր գործունէութեամբ արուեստաբանը կը նպաստէ հայ մշակոյթի հանրահռչակման:

Զրոյցի ընթացքին անդրադարձ կատարուեցաւ «Հայրենիք-Սփիւռք» համահայկական 6-րդ համաժողովի աշխատանքներուն արուեստաբանի մասնակցութեան վերաբերող հարցերուն: Քննարկուեցան յետագայ համագործակցութեան հնարաւորութիւնները:

Մովսէս Հերկելեան շնորհակալութիւն յայտնեց ջերմ ընդունելութեան եւ արդիւնաւէտ զրոյցի համար, պատրաստակամութիւն յայտնեց աջակցելու համաժողովի կազմակերպման աշխատանքներուն: