Թուրքիան դեմ է հանդես եկել Բուլղարիայի հարավում գտնվող Հասկովո քաղաքի զբոսայգին «Հայեր» կոչելու որոշմանը։

Թուրքական «Բուգյուն» կայքի փոխանցմամբ, գրում է artsakhpress.am-ը, Պլովդիվում Թուրքիայի գլխավոր հյուպատոս Ալփեր Աքթաշը Թուրքիայի սահմանից 80 կմ հեռավորությամբ գտնվող Հասկովո քաղաքի քաղաքապետ Գեորգի Իվանովի հետ է զրուցել ու պնդել է անհապաղ հետ կանգնել այդ որոշումից։

Բուլղարացի քաղաքապետը, սակայն, կոշտ արձագանք է տվել. «Ճիշտ չեմ համարում այն, որ օտար պետությունը միջամտի մեր ներքին գործերին»։

Նա նշել է, որ Հասկովոյում շատ հայեր կան, և անվանափոխություն իրականացնելու համար օտար պետություններից թույլտվություն ստանալու կարիք չունեն։

Հասկովոյի քաղաքային խորհուրդը հայերից ստացած առաջարկը մտադիր է քննարկել ուրբաթ։

2011թվականի տվյալներով՝ քաղաքում 338 հայ է բնակվում։