Ամերիկահայ հեռուստաաստղ Քիմ Քարդաշյանը հաստատել է իր այցը Հայաստան: «Արմենպրես»­ի փոխանցմամբ՝ pagesix.com կայքը գրում է, որ Քիմ Քարդաշյանը շուտով հպարտության զգացողություն կպարգևի իր հանգուցյալ հորը՝ այցելելով հայրենի Հայաստան:

«Մեր հայրը կհպարտանար: Մենք ամբողջ ընտանիքով շատ խանդավառված ենք»,­ նշել է Քարդաշյանը: Հեռուստաստղն իր հետ կբերի իր դստերը: Դեռևս հայտնի չէ՝ արդյոք Քիմի ամուսին Քանյե Ուեսթը կմիանա նրանց: Ըստ աղբյուրի՝ Քիմը հերքել է, թե ապրիլին Հայաստան է գալիս հենց Հայոց ցեղասպանության հարյուրամյակի բերումով: Page Six­ը, սակայն, գրում է, որ աստղի այցը կհամընկնի 1915­ի Հայոց ցեղասպանության հարյուրամյա տարելիցի օրերի հետ: Նշված է նաև, որ Քիմի երջանկահիշատակ հայրը՝ Ռոբերտ Քարդաշյանը հայ է եղել:

Կայքը մեջբերել է նաև Ամերիկայում Հայոց ցեղասպանության հարյուրերորդ տարելիցի հանձնաժողովի խոսնակ Ֆիլ Վոլինսկուն, ով նշել է, թե Քիմի այցը «իմաստլից է»: «Ցանկացած հայի համար կարևոր է իր արմատներին վերադառնալու
ցանկությունը` հատկապես այդ տարելիցին»,­ ասել է նա: