Լույս հունվարի 13­ի գիշերն այրվել Է Թբիլիսիի Ռուսթավելիի պողոտայում գտնվող ամենագեղեցիկ պատմական շենքերից մեկի մի մասը, շենք, որը կրում Է դրա ստեղծողի՝ թբիլիսցի հայազգի վաճառական Ալեքսանդր Մելիք Ազարյանցի անունը, տեղեկացնում Է «Արմենպրես»­ը:

Շենքը կառուցվել Է 1912­1915 թվականներին պետերբուրգցի ճարտարապետ Նիկոլայ Օբոլենսկու նախագծով: Մելիք Ազարյանցի տունը գտնվում Է Ռուսաթավելիի պողոտայի թիվ 37 հասցեում:

«Թեժ գծին հեռախոսազանգը ստացվել Է ժամը 02:56­ին: Հրդեհի հետեւանքով այրվել Է 5­հարկանի շենքի առաջին հարկը: Այրվել են վերելակի հորանը եւ տանիքը: Այրվել Է մոտավորապես 250­-300 քառակուսի մետր տարածք»,­«Նովոստի Գրուզիա»­ին հայտնել Է Թբիլիսիի քաղաքապետարանի արտակարգ եւ անհետաձգելի իրավիճակների կառավարման գործակալության մամուլի ծառայության աշխատակցուհին: Հրդեհը հաջողվել Է տեղափակել ժամը 03:57­ ին: Տեղում աշխատել Է 16 հրշեջ բրիգադ:

Միջադեպի հետեւանքով ոք ոք չի տուժել: Հրդեհի ժամանակ շենքում եղել Է մեկ ընտանիք, որը ժամանակին տարհանվել Է: Մինչդեռ զգալի վնաս Է պատճառվել շենքի առաջին հարկում գտնվող առեւտրային օբյեկտներին:

Հրդեհի ստույգ պատճառներն առայժմ հայտնի չեն: Վարկածներից մեկի համաձայն՝ կրակը շենքի վրա Է տարածվել այրվող աղբարկղից: Կատարվում Է հետաքննություն: