Արևմտահայերեն
Русский
EnglishԼիբանանահայության ջանքերով 77.500 դոլար հանգանակվեց ` ի նպաստ Վարդենիս-Մարտակերտ ճանապարհի կառուցման
«Հայաստան» համահայկական հիմնադրամի Լիբանանի գործադիր մարմինը դեկտեմբերի 4-ին կազմակերպեց իր տարեկան դրամահավաք-ռադիոթոնը, որի ընթացքում համայն լիբանանահայության ջանքերով հանգանակվեց 77.500 (յոթանասուն յոթը հազար հինգ հարյուր) ամերիկյան դոլար` ի նպաստ Վարդենիս-Մարտակերտ ճանապարհի կառուցման:
Միջին Արեւելքի տարածաշրջանի քաղաքական, տնտեսական եւ հասարակական ոչ նպաստավոր ներկա պայմաններով հանդերձ, լիբանանահայությունը եւս մեկ անգամ փաստեց, որ համահայկական կարեւոր նշանակություն ներկայացնող հարցերի նկատմամբ միշտ մնում է հանձնառու եւ իր ազգային բարձր գիտակցությամբ հաղթահարում է բոլոր դժվարությունները:
«Հայաստան» համահայկական հիմնադրամի Լիբանանի գործադիր մարմինը մեծապես գնահատում է դրամահավաքին մասնակցած բոլոր հայորդիներին եւ շնորհակալություն է հայտնում իրենց սրտաբուխ նվիրատվությունների համար:
