Խորհրդարանը երկրորդ ընթերցմամբ ընդունեց «Սահմանամերձ գյուղական համայնքներում գործունեության ծավալումը
հարկերից ազատելու մասին» ՀՀ օրենքի նախագիծը:

«Արմենպրես»-ի հաղորդմամբ՝ նախագծին կողմ քվեարկեց 94, դեմ՝3, ձեռնպահ՝ 1 պատգամավոր:

Oրենքը կարգավորում է Հայաստանի Հանրապետության կառավարության կողմից հաստատված ցանկում ներառված սահմանամերձ գյուղական համայնքներում իրականացվող գործունեությունը հարկերից ազատելու հետ կապված
հարաբերությունները:

Մասնավորապես, առաջարկվում է կառավարության կողմից սահմանված ցանկում ներառված սահմանամերձ համայնքներում ծավալվող գործունեությունն ազատել բոլոր տեսակի հարկերից: