Սեպտեմբերի 27-ին  Բելգիայում կանցկացվի «Ես հայ եմ / Yes I am»   փառատոնը:

Բելգիայում գործող  «Արդիա» հասարարական կազմակերպությունն արդեն 5-րդ անգամ է կազմակերպում  այս փառատոնը: Նախորդը՝  2012 թվականի սեպտեմբերին էր: Դեռ թարմ են տպավորություններն ու հուշերը. հատկապես տպավորիչ էր Անտվերպենի մարզային խորհրդարանում «Հայի ինքնությունը» թեմայով անցկացված գիտաժողովը, որին հետևեց   մշակութային բազմաժանր  ծրագիրը:

«Նիդերլանդական Օրագիր»-ը այս իրադարձությունը մանրամասը ներկայացրել է:

Այս տարի՝  սեպտեմբերի 27-ին ևս սպասվում է հաճելի ու հետաքրքիր միջոցառումներով  հագեցված մի  ծրագիր:  Նախատեսված են . հայկական ազգագրական և ժողովրդական երգ ու պար,  գործիքային կատարումներ, ասմունք, արվեստի գործերի ցուցահանդես-վաճառք, ինչպես նաև կանցկացվեն նարդու և շախմատի մրցումներ,  կբացվի   «հայկական անկյուն», որտեղ հուշանվերներ են   վաճառվելու, լինելու է մանկական տաղավար,  նկարչական անկյուն, դիմահարդարում և այլն:

«Ես հայ եմ / Yes I am» այս տարվա փառատոնի նպատակն է Բելգիայում հաստատված տաղանդաշնորհ հայորդիներին Բելգիայի և հայ հասարակությանը ներկայացնելը։

Փառատոնը կոմերցիոն բնույթ չի կրում և հիմնված է հասարարական հիմունքների վրա։

Փառատոնից հավաքված գումարը կտրամադրվի Անտվերպենի հայկական կիրակնօրյա դպրոցին։

«Նիդերլանդական Օրագիր»