Հինգշաբթի, 19 յունիս 2014-ին, Արամ Ա. կաթողիկոսին այցելեց Լիբանանի մէջ պապական նուիրակ Կապրիէլ Քաչիա: Պապական նուիրակը եկած էր բարի գալուստ մաղթելու վեհափառ հայրապետին Վատիկանէն վերադարձին առիթով: Հանդիպումը առիթ մը եղաւ ընդհանուր արժեւորումը կատարելու Վատիկանի մէջ վեհափառ հայրապետին ունեցած հանդիպումներուն` սրբազան քահանայապետին եւ պատասխանատու կարտինալներուն հետ:

Խորհրդակցութեան նիւթ դարձաւ նաեւ շրջանին մէջ ստեղծուած կացութիւնը եւ անոր հետեւանքները քրիստոնեայ համայնքներուն վրայ: Հանդիպման ընթացքին ուշադրութեան յատուկ նիւթ դարձաւ Լիբանանի նախագահական ընտրութիւնը:

«Ազդակ»